Filyè LLA: Lèt, Lang ak Ar (Lettres, Langues et Arts)
Ki sa filyè sa a ye?
Filyè LLA a se yon branch nan Nouvo Segondè (NS) ki konsantre sou literati, metriz lang yo, kominikasyon, ak ekspresyon kilti atistik.
Li fèt espesyalman pou elèv ki gen yon gwo pasyon pou lekti, ekriti, teyat, mizik, oswa penti, epi ki gen yon gwo sans kreyativite ak analiz tèks.
Filyè sa a mande pou elèv la gen yon ekselan nivo nan redaksyon, yon bèl lespri kritik pou l dekouvri mesaj ki kache dèyè travay gwo ekriven ak atis yo, ak yon fasilite pou l aprann plizyè lang.
Pou ki moun li fèt / Ki kote li ka mennen w?
Li fèt pou elèv ki vle pouswiv etid inivèsitè nan domèn sa yo:
• Lengwistik, Tradiksyon, ak Entèpretasyon
• Literati, Filozofi, ak Istwa
• Jounalis, Relasyon Piblik, ak Kominikasyon Sosyal
• Bèl Ar (Teyat, Sinema, Mizik, Penti, Design)
NB: sa pa vle di siw ou nan Filyè si la a se metye sa yo ou dwe aprann ,chwa a toujou depann de kisaw vle kisaw panse kap bon pou ou.
Lis Matyè Konplè ak tout Pwen yo pou LLA (Total: 2000 pwen)
Matyè Espesifik, baz LLA (Sa ki fè fòs filyè a)
• Literati ak Lèt : 600 pwen (Se poto mitan filyè sila a)
• Ar ak Kilti Atistik: 400 pwen (Pou istwa ar, teyat, kilti, elatriye)
• Lang Etranjè (Anglè ak Espanyòl ansanm): 200 pwen ( elèv la dwe konpoze nan tou de lang yo obligatwa, chak vo 100 pwen)
Matyè Komen yo (Tronc Commun)
• Filozofi: 200 pwen
• Kreyòl Ayisyen: 200 pwen
• Istwa ak Jeyografi: 200 pwen
• Matematik de baz: 100 pwen (Pwogram nan pi senp, pa gen gwo kalkil konplèks)
• Syans de baz: 100 pwen
Total Jeneral Pwen pou Seri a: 2000 pwen.
Konbyen Pwen ou Bezwen pou w Pase?
Pou w jwenn diplòm bakaloreya w la, sistèm MENFP a egzije pou w gen yon mwayèn jeneral ki omwen 10/20.
Sa vle di sou total sil sou 2ooo pwen yo, ou dwe fè yon minimòm de 1000 pwen sou tout matyè yo konbine.
pou plis detay ak konsèy klike la